சகியே .....

நோக்கும் இடத்திலெல்லாம் - சகியே

உந்தன் நிலவு முகத்தினினால் 

காணும் பெண்ணிலெல்லாம் - சகியே 

என்மனம் காதல் கொள்ளுதடி

கேட்கும் ஓசையெல்லாம் - சகியே 

நின்குரல் ஆனதினால் 

மீட்டும் இசையிலெல்லாம் - சகியே 

நீயோர்  ராகமாய் வந்தாயடி 

வீசும் காற்றிலெல்லாம்  - சகியே  

நின் வாசம் நுகருவதால் 

பூக்கும் பூவிலெல்லாம் - சகியே 

உனையன்றி ஏதும் மலர்ந்திலையே 

வாழும் நாளில்லெலாம் - சகியே 

வண்ணமாய் வந்து திர்த்தாய் 

என்னென்று சொல்வேனடி  - சகியே 

பேதைஉன் பேரன்புக் கீடில்லையே 

உற்றம் சுற்றமெல்லாம்  - சகியே 

நீயென்று மாறிய பின் 

வாழும் வாழ்க்கையிலே - சகியே 

நீயின்றி எங்கனம் நகர்ந்திடுவேன் 

வந்து சேர்ந்திடடி - சகியே

வாழ்வில் வசந்தம் வந்துதிர்க்கும் 

அன்றில் கொன்றுதீர்த்திடடி - சகியே 

மரணம்  இன்னும் இனித்திடுமே  

--- பிரியா